Сёння ў Інстытуце Следчага камітэта прайшло ўрачыстае мерапрыемства, прысвечанае ўшанаванню намесніка начальніка ведамаснай установы адукацыі Яўгена Галоўчыца ў сувязі з яго звальненнем са службы.
Самыя лепшыя гады свайго жыцця ён аддаў служэнню Айчыне. Заўсёды з гонарам і годнасцю выконваў пастаўленыя перад ім задачы на самых адказных участках працы, быў прыкладам для пераймання маладым супрацоўнікам.
Свой прафесійны шлях Яўген Іванавіч пачаў з пасады інспектара аддзялення дазнання, праходзіў службу на розных пасадах у ГУУС Мінгарвыканкама і ў цэнтральным апараце Міністэрства ўнутраных спраў. Займаўся выяўленнем і раскрыццём злачынстваў у ключавых галінах эканомікі. У далейшым Яўген Іванавіч упэўнена ішоў па кар’ерных усходах, на працягу некалькіх гадоў праходзіў службу ў Дзяржаўным сакратарыяце Рады Бяспекі Рэспублікі Беларусь, а затым служыў у Аператыўна-аналітычным цэнтры пры Прэзідэнце Рэспублікі Беларусь. З сакавіка 2022 г. па сённяшні дзень з’яўляецца намеснікам начальніка Інстытута Следчага камітэта. За доўгія гады службы на яго рахунку мноства заслуг, шырокі досвед аналітычнай і кіруючай працы і каласальны набор прафесійных якасцяў.
Яўген Іванавіч узнагароджаны дзяржаўнымі ўзнагародамі: медалём «За адзнаку ў вайсковай службе», з’яўляецца поўным кавалерам медаля «За бездакорную службу». За ўзорныя выкананні сваіх службовых абавязкаў неаднаразова быў удастоены ўзнагарод і ганаровых грамат органаў забеспячэння нацыянальнай бяспекі і іншых ведамстваў.
Адкрываючы ўрачысты сход, словы ўдзячнасці ад імя калектыву і ад сябе асабіста выказаў Старшыня Следчага камітэта Канстанцін Бычак і ўручыў Яўгену Галоўчыцу нагрудны знак «За Заслугі».
Да віншаванняў далучыўся намеснік Старшыні Следчага камітэта Сяргей Аземша.
Са словамі падзякі і павагі таксама выступілі шматлікія калегі Яўгена Іванавіча, якія адзначылі яго прынцыповасць, добрапрыстойнасць і пастаянную гатоўнасць прыйсці на дапамогу ў вырашэнні складаных прафесійных задач, якія стаяць перад ведамствам і ўстановай адукацыі.
Яўген Галоўчыц у сваю чаргу падзякаваў прысутным за цёплыя словы, шматгадовую падтрымку і сумесную службу на карысць Айчыны.
На заканчэнне ўрачыстага мерапрыемства начальнік Інстытута Следчага камітэта Юрый Камянецкі аб’явіў, што Яўген Галоўчыц – першы супрацоўнік, які ўдастоены гонару быць унесеным у Кнігу Пашаны ведамаснай установы адукацыі і перадаў яму адпаведны сертыфікат. Яўгену Іванавічу таксама была ўручана грамата афіцэрскага сходу і каштоўны падарунак ад калектыву Інстытута Следчага камітэта.
