17 красавіка 2026 г. супрацоўнікі Інстытута Следчага камітэта
і следчыя Маладзечанскага РАСК прынялі ўдзел у рэспубліканскай акцыі «Лес! Дабро! Парадак» – аказалі дапамогу Маладзечанскаму лясгасу
ў пасадцы саджанцаў хвоі і бярозы.
У мерапрыемстве прыняў удзел ганаровы госць Інстытута – прарэктар Маскоўскай акадэміі Следчага камітэта Расійскай Федэрацыі палкоўнік юстыцыі Алег Антонаў.
Перад пачаткам работ па пасадцы раслін дырэктар Маладзечанскага лясгаса Анатоль Ермаловіч правёў інструктаж і расказаў аб працэсе вырошчвання саджанцаў і падрыхтоўкі іх да пасадкі.
Начальнік Інстытута палкоўнік юстыцыі Юрый Камянецкі акцэнтаваў увагу на важнасці адраджэння, захавання і прымнажэння лясных рэсурсаў.
Начальнік Маладзечанскага РАСК палкоўнік юстыцыі Пётр Варачкоў адзначыў, што такія сумесныя акцыі выкладчыкаў і следчых ужо становяцца добрай традыцыяй, садзейнічаюць згуртаванню калектываў, умацаванню карпаратыўнага духу. Не менш важным з’яўляецца вынік – прымнажэнне ляснога багацця роднай Беларусі.
Стварэнне новага лесу мае і сакральны аспект – як перадачу будучым пакаленням нашага вопыту, каштоўнасцяў і здабытку нашай дзяржавы.
