Праваахоўнікі Беларусі і Узбекістана аб’ядноўваюць намаганні ў барацьбе з кіберзлачыннасцю

Замежныя ўстановы адукацыі

Цэнтральным апаратам Следчага камітэта сумесна з ведамасным Інстытутам 16-20 лістапада 2026 г. арганізавана стажыроўка «Расследаванне злачынстваў у інфармацыйнай сферы» для прадстаўнікоў Генеральнай пракуратуры Рэспублікі Узбекістан.

У Інстытуце Следчага камітэта 16 лістапада 2026 г. адбылася рабочая сустрэча узбекскай дэлегацыі з начальнікам ведамаснай установы адукацыі Юрыем Камянецкім. Бакі абмеркавалі пытанні развіцця ўзаемавыгаднага супрацоўніцтва ў адукацыйнай і навуковай сферах, абмяняліся перадавымі методыкамі выкладання профільных дысцыплін.

Для супрацоўнікаў праваахоўнай акадэміі Рэспублікі Узбекістан была праведзена азнаямленчая экскурсія па будынку Інстытута Следчага камітэта, прадстаўлены крыміналістычныя палігоны і аўдыторны фон.

Падчас стажыроўкі прадстаўнікі Рэспублікі Узбекістан азнаёміліся са станоўчым вопытам ажыццяўлення дасудовага крымінальнага судаводства, методыкай расследавання крымінальных спраў аб кіберзлачынствах.

У ходзе візіту начальнік спецыялізаванага цэнтра лічбавых даследаванняў навукова-даследчага інстытута лічбавай крыміналістыкі праваахоўнай акадэміі Рэспублікі Узбекістан Гаджыеў Хагані Мохубат аглы выступіў з адкрытай лекцыяй «Сучасныя напрамкі лічбавай крыміналістыкі ў сістэме процідзеяння кіберзлачыннасці» для супрацоўнікаў структурных падраздзяленняў цэнтральнага апарата Следчага камітэта і ведамаснай установы адукацыі. У дакладзе на канкрэтных прыкладах прадстаўлены перадавы досвед Генеральнай пракуратуры Рэспублікі Узбекістан у галіне расследавання рэзанансных кіберзлачынстваў. Супрацоўніцтва праваахоўнікаў Беларусі і Узбекістана дазволіла ў чарговы раз абмеркаваць сучасныя выклікі і абмяняцца станоўчымі практыкамі расследавання злачынстваў і падрыхтоўкі следчых.

УСТАНОВА АДУКАЦЫІ «ІНСТЫТУТ ПАВЫШЭННЯ КВАЛІФІКАЦЫІ І ПЕРАПАДРЫХТОЎКІ СЛЕДЧАГА КАМІТЭТА РЭСПУБЛІКІ БЕЛАРУСЬ»